ලොව විසූ විශාලතම පක්‍ෂියා, 'එලිෆන්ට් බර්ඩ්' තුරන්වීම ගැන අලුත් මතයක්

කැපුම් සලකුණු සහිත පොසිල අස්ථි කොටස් හමුවීමත් සමග ලොව විසූ විශාලතම පක්‍ෂියා අතුගා දැමූ බවට ප්‍රාග් ඓතිහාසික මිනිසා දෙසට සැක මුසු ඇස යොමුවී තිබේ.

විද්‍යාඥයන්ට අනුව මැඩගස්කරයේ වාසය කළ දැවැන්ත එලිෆන්ට් පක්‍ෂියා දඩයම් කර, ආහාරයට ගෙන තිබේ.

මෙම සිරුරු කොටස් වසර 10,000 ක පමණ ඈත යුගය දක්වා කාල නිර්ණය කර තිබේ.

නව සුපිරි මහද්වීපයක කතාව කියන චීන පොසිල
'ජුරසික් පාක්' දෙස හැරී බැලීමක්
හතලිස් ගණනකට වැඩි තල්මසුන් ගේ පොසිල චිලී රටෙන්
මැඩගස්කර දිවයිනේ මුල් පදිංචිකරුවන් මිට වසර 2,500 ත් 4,000 ත් අතර කාලය තුළ එහි පැමිණෙන්නට ඇති බව මින් පෙර විශ්වාස කළේය.

"මෙමගින් මානව ජනාවාස ඇතිවීමේ කාලය අවම වශයෙන් වසර 6,000 ක් අතීතයට තල්ලු කරනවා," එක්සත් රාජධානියේ සත්ත්ව විද්‍යා සංගමයේ විද්‍යාඥ ආචාර්ය ජේම්ස් හැන්ස්ෆෝඩ් ප්‍රකාශ කරයි.



කෙටි කාලයක් තුළ සතුන් මුළුමනින් ම අතුගා දමනවාට වඩා මිනිසුන් ඔවුන් සමග වසර දහස් ගණනක් තිස්සේ ජීවත්වූ බව පෙනේ. කෙසේවුවත් මින් වසර 1000 ට පමණ පෙර ඔවුන් වඳවී යන්නට ඇතැයි විශ්වාස කෙරේ.

"සංරක්ෂණයේ අලුත් මානයක් පෙන්වීමට හේතුවූ, මෙම යුගයේ ජෛව විවිධත්වයට බලපාන සීමිත ඍණාත්මක කරුණු හැරුණු විට, මානවයා දැනට වඳවී ගොස් ඇති සත්ත්ව විශේෂ මෙන්ම මෙම දැවැන්ත පක්ෂි විශේෂය සමග සහසම්බන්ධයෙන් වසර 9000 ට වඩා ජීවත්වූ බව පෙනෙනවා,
" ආචාර්ය හැන්ස්ෆෝඩ්පවසයි.



මෙම දැවැන්ත පක්‍ෂියා කලෙකදී මැඩගස්කරයේ සුලභ දසුනක් විය.

ඔවුන්ගේ බර අවම වශයෙන් ටොන් භාගයක් ද, සිටගත් විට මීටර් 3 ක පමණ උසකින් ද යුක්ත විය. ඔවුන්ගේ බිත්තර ඩයිනසොරයන්ගේ බිත්තරවලට වඩා විශාල විය.

ඩයිනෝසර පාද සටහනකට හානි කෙරේ
අටවෙනි මහාද්වීපයක් ?
ඉපියෝනිස් (Aepyornis) සහ මුලරෝනිස් (Mullerornis) ලෙස හැඳින්වෙන එලිෆන්ට් කුරුල්ලන් එකළ දුපතේ සිටි තවත් විශේෂ සමග ජීවත්වූ අතර, විනාශවී ගිය දැවැන්ත ලිමා (lemurs) ද ඒ අතර විය.

මෙම සතුන් පොළවෙන් නැතිවීයාම, එසේ වුයේ ඇයි ද යන්නත්, ඊට මානවයාගේ බලපෑම කෙතෙක් ද යන්න පිළිබඳව ද මතවාද කීපයක් ඇත.