උමාරා සිංහවංශ, විශාරද අමරසිරි පිරිස් එක්ව ගයන ''SONDURU GANGA'' ගීතය එළිදකී [PHOTOS + VIDEO]

ගායනය : උමාරා සිංහවන්ස සහ විශාරද අමරසිරි පීරිස්
තනුව සහ සංගීත අධ්‍යක්ෂණය : අරුණ ගුණවර්ධන
රචනය : වෛද්‍ය ප්‍රභාකුමාර රාජගුරු

ශ්‍රී ලාංකේය සංගීත ක්ෂේත්‍රයේ නවමු හැරවුම් ලක්ෂයක් සනිටුහන් කරන ජනප්‍රිය ගායිකා උමාරා සිංහවංශ සහ විශාරද අමරසිරි පිරිස් මහතා ගයනා කරන ''සොඳුරු ගංගා'' නවතම ගීතය පසුගියදා (21) සන්ධ්‍යාවේ කොළඹ සිනමන් ග්‍රෑන්ඩ් හෝටලයේදී එළිදැක්විණි. 

මෙම ගීතය එළි දැක්වීමේ අවස්ථාවට ජෙය්ෂ්ඨ සිනමා අධ්‍යක්ෂ ජයන්ත චන්ද්‍රසිරි, ටවර් හෝල් රඟහල පදනමේ හිටපු අධ්‍යක්ෂ ජනරාල් ඩග්ලස් සිරිවර්ධන, ජනප්‍රිය ගායක භාතිය ජයකොඩි ඇතුළු ශ්‍රී ලාංකීය සංගීත ක්ෂේත්‍රය ඇතුළු කලා ක්ෂේත්‍රයේ ජෙය්ෂ්ඨයින් කිහිප පොලක්ම සහභාගී වී සිටියහ. ඊට අමතරව උමාරා සහ අමරසිරි පිරිස් මහතාගේ සමීපතමයින් සමඟ ගීතය සඳහා දායකත්වය ලබා දුන් පිරිස සහභාගී විය. මෙම ගීත එළිදැක්වීමේ උත්සවය ඉතා චාම් ලෙස පැවැත්වුණු අතර ආචාරය අමරසිරි පිරිස් මහතා නව පරපුරේ ජනප්‍රිය ගායන ශිල්පිනියක් ලෙස කිරුළු පැළඳ සිටින උමාරා සමඟ මෙම ගීතය ගයනා කිරීමට ලැබීම පිලිබඳව සිය සතුට ප්‍රකාශ කළ අතර උමාරා විසින් සිය ගීතය වෙනුවෙන් එතුමන් ලබා දුන් සුවිසල් දායකත්වය වෙනුවෙන් තුති පුද කරමින් සිහිවටනයක් ද පිළිගන්වනු ලැබිණි. 

''සොඳුරු ගංගා'' ගීතය වෛද්‍ය ප්‍රභාකුමාර රාජගුරු විසින් රචනා කර ඇති අතර තනුව සහ සංගීත අධ්‍යක්ෂණය අරුණ ගුණවර්ධනගෙනි. ප්‍රේමය සහ ජීවිතය පිලිබඳ ඉතා සුන්දර කතාවක් කියවෙන මෙම ගීතයේ මියුසික් වීඩියෝව එල්ෆිස්ටන් රඟහල යොදා ගනිමින් නිෂ්පාදනය කර ඇති අතර රූප රචනය සහ කැමරා අධ්‍යක්ෂණය හසිත වර්ණසුරියගෙනි, වර්ණ සංයෝජනය හසිත ජයසංක ගෙනි. නිෂ්පාදනය Umara Music Studio වෙතිනි.