විල්පත්තු විනාශය අනුමත කරන්නේ නෑ - මහින්ද

විපක්ෂනායක මහින්ද රාජපක්ෂ මහතා සඳහන් කර සිටියේ තමන් විල්පත්තු වන සංහාරය අනුමත නොකරන බවත් තම පාලන කාලයේදී ඒ පිළිබඳව සෙවීමට කටයුතු කළ බවත් ය.

ඒ පසුගියදා පැවති උත්සවයක් අමතමිනි.

එහිදී ඒ මහතා මෙසේ අදහස් දැක්විය.

“මේ ආණ්ඩුව කිසිම වරදක් කරලා නෑ. විල්පත්තු වන සංහාරය අනුමත කරන්නේ නෑ. සිංහරාජය පිළිබඳවත්, නකල්ස් ගැනත් අපි ඉන්නේ ඒ ස්ථාවරයේ. අපි විල්පත්තුවට කොමිටියක් පත්කළා. ඒ වාර්තාව අනුව ක්‍රියාත්මක වෙන්න කිව්වේ. පසුගිය කාලයේම විනාශ වෙමින් පවතිනවා. මේවා තියෙන්නේ නිකම් රවුමක් ගහලා එන්න නෙමෙයි නේ. මේවා පිළිබදව මීට වඩා ජනතාව දැනුවත් කිරිම හරහා වෙනස් කරන්න පුළුවන්. නීතියෙන් ක්‍රියාත්මක වෙන්න බැරි අවස්ථාත් තිබෙනවා.”

එසේම තම පාලන කාලයේදී විල්පත්තුවේ බිම් අඟලක්වත් විනාශ කිරීමට ඉඩ නොඳුන් බවට ජනපතිවරයා කළ ප්‍රකාශය සම්බන්ධයෙන් යොමුකළ පැනයකට පිළිතුරු දුන් මහින්ද රාජපක්ෂ මහතා,

“ජනපතිවරයා බොරු නොකියයි. බොරු කියන වචනයවත් නෑ.” යනුවෙන් පැවසිය