නදීමාල් ගුවන් තොටුපොලේදී සීඅයිඩී අත්අඩංගුවට

මාකදුරේ මධුෂ් සමඟ ඩුබායිහිදී  පැවැති සාදයකදී  අත්අඩංගුවට ගත්  සංගීත ශිල්පී අමල්  පෙරේරාගේ පුත් නදීමාල් පෙරේරා  සහ  තවත් අයෙකු  ලංකාවට පැමිණිමෙන් පසු  අද (27) අපරාධපරීක්ෂණ දෙපාර්තමේන්තුව බාරයට ගෙන ඇතැයි පොලිස් ආරංචි මාර්ග පවසයි.

මේ වන විට අපරාධ පරීක්ෂණ දෙපාර්තමේන්තුවේ රඳවා ඇති ඔවුන්ගෙන් ප්‍රශ්න කිරීම් සිදු කරන බවද  තොරතුරු වාර්තා වේ.

නදීමාල් පරේරා සමඟ මෙලෙස එරටින් පිටුවහල් කර ඇත්තේ ඔවුන් සමග සාදයේ සිටි බන්ධනාගාර නිලධාරීයා බවද තොරතුරු ලැබී තිබේ.

ඊයේ රාත්‍රියේදී මොවුන් ලංකාවට පැමිණිමෙන් පසු අත්අඩංගුවට ගෙන ඇති බවද තොරතුරු වාර්තාවේ. 

ඔවුන් සම්බන්ධයෙන් ලංකාවේ වෙනත් චෝදනා ඇත්දැයි සොයා බලා කිසිදු චෝදනාවක් නොමැති නම් ඔවුන් මුදා හැරීමට කටයුතු කිරීමට නියමිත බවද  උසස් නිලධාරියෙක් සඳහන් කළේය.