අතුරුදහන් වූවන්ගේ කාර්යාලය නිසා කිලිනොච්චියේ විරෝධතාවයේ නිරත දෙපිරිසක් අතර උණුසුම් තත්වයක්
යුද්දය හේතුවෙන් අතරුදහන් වූවන් වෙනුවෙන් පිහිටුවන ලද කාර්යාලය හේතුවෙන් ඊයේ (25) දින කිලිනොච්චියේ පැවති විරෝධතාවයක් අතරතුර දෙපාර්ශවයක උණුසුම් තත්වයක් හටගෙන ඇත.
අතුරුදහන් වූවන් වෙනුවෙන් විසඳුම් ඉල්ලා අතුරුදහන් වූවන්ගේ ඥාතීන් විසින් ආරම්භ කරන ලද සත්‍යග්‍රහයට වසර දෙකක් පිරීම නිමිත්තෙන් ඊයේ දින කිලිනොච්චිය කන්දසාමී කෝවිල ඉදිරිපටදී දැවන්ත විරෝධතාවක් සංවිධානය කොට තිබූ අතර මෙම විරෝධතාවයට අතුරුදහන් වූවන්ගේ ඥාතීන් මෙන්ම යාපනය සරසවි සිසුන් හා දෙමළ දේශපාලන පක්ෂ කිහිපයක නියෝජිතයින් පිරිසක්ද සහභාගී වූහ.
එම විරෝධතාවය කිලිනොච්චිය කන්දසාමී කෝවිල ඉදිරිපිටින් ආරම්භ වී ඩිපෝ මන්සන්ධිය දක්වා පාගමනින් ගමන් කල අතර එහිදී සහභාගී වූ අතුරුදහන් වූවන්ගේ ඥාතීන් හා යාපනය සරසවි සිසුන් මෙන්ම දෙමළ ජාතික සන්ධානයේ ජනතා නියෝජිතයින් පිරිසක් අතර බහින්බස්වීමක් දුරදිග යාම හේතුවෙන් උණුසුම් තත්වයක් උද්ගතව ඇත.
එහිදී විරෝධතාවයේ නිරත වූ අතුරුදහන් වූවන්ගේ ඥාතීන් විසින් පවසා ඇත්තේ වසර දෙකක් යන තුරු තම සත්‍යග්‍රහයට විසඳුමක් නොලැබුනු බවටත් යුද්දය අවසන් වී වසර 10 ක් ගත වුනද විසඳුමක් නොලැබුනු අවස්ථාවේදී දැනට පිහිටුවා ඇති අතුරුදහන් වූවන්ගේ කාර්යාලයද බොරුවක් බවත් එහෙයින් අතුරුදහන් වූවන්ගේ කාර්යලය එපා බව පවසමිනි එම විරෝධතා පාඨයන්ට යාපනය සරසවියේ සිසුන් පිරිසක්ද එක්වෙමින් සහය පල කල අවස්ථාවේදී යාපනය නල්ලූර් ප්‍රාදේශීය සභාවේ මන්ත්‍රීවරයෙකු විරෝධය පල කරමින් පවසා ඇත්තේ අතුරුදහන් වූවන්ගේ ගැටලු වෙනුවෙන් විසඳුම් ලබා ගැනීමට අතුරුදහන් වූවන්ගේ කාර්යාලය අත්‍යවශ්‍ය බැවින් එවැනි විරෝධතා පාඨ නොකියන බැවිනි එහිදී යාපනය විශ්ව විද්‍යාල සිසුන් හා අතුරුදහන් වූවන්ගේ ඥාතීන් අදාල මන්ත්‍රීවරයාට එරෙහි වී බහින්බස්වීමක් සිදුව ඇති අතර මඑය ආවරණය කල මාධ්‍ය වේදීන්ටද බාධා සිදු කොට ඇත .එහිදී උණුසුම් තත්වයක් හට ගත්තද පසුව එම ස්ථානයට සහභාගී වූ තවත් පිරිසක් විසින් තත්වය පාලනය කොට දෙපාර්ශවය විසුරුවා හැර ඇත.
ඊයේ දින කිලිනොච්චියේ පැවති විරෝධතාවය වෙනුවෙන් දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන සෙල්වම් අඩෙයික්කලනාදන්, සිවසක්ති ආනන්දන්, එස්.ශ්‍රීධරන්, උතුරු පලාත් හිටපු ප්‍රධාන අමාත්‍ය සී.වී.විග්නේශ්වරන්, ඇතුලු පලාත්සභා හිටපු මැති ඇමති වරුන් වන එම්.සිවාජිලිංගම්, ආනන්ද සංකරී, ඇතුලු නියෝජිතයින් රැසක් සහභාගී වී සිටියද අදාල බහින්බස් වීමට හෝ උණුසුම් අවස්ථාවට සහභාගී නොවීය.
(වන්නි රොමේෂ් මධුෂංඛ)
No comments: